Транспорт жана коммуникациялар министрлигине караштуу Жерде жүрүүчү жана суу транспорту департаментинин Чүй-Бишкек аймактык башкармалыгында коррупциянын алдын алуу боюнча кезектеги иш-чара өттү.
Ведомстводон билдиришкендей, ага Башкы прокуратуранын өкүлү Алтынбек Апиев катышып, коррупцияга каршы күрөшүү боюнча жүргүзүлүп жаткан иштер тууралуу маалымат берди.
Башкармалыктын жетекчиси Вахтанг Алаков көзөмөл-өткөрүү пункттарында жана мобилдик топтордо түшүндүрүү иштери үзгүлтүксүз жүргүзүлүп жатканын белгиледи.
«Ак-Тилек» көзөмөл-өткөрүү пунктундагы коррупциялык тобокелдиктерди азайтуу жана ачык-айкындуулукту камсыздоого багытталган чаралар көрсөтүлдү.
Маалыматка ылайык, көзөмөл жүргүзгөн кызматкерлер толугу менен боди-камералар менен камсыздалган. Ошондой эле көзөмөл процесси үзгүлтүксүз видеого жазылып турат.
Белгиленгендей, Департамент мындай иштер мындан ары да улантыларын билдирди.
