Тышкы иштер министри Жээнбек Кулубаевдин чакыруусу менен Беларустун тышкы иштер министри Максим Рыженков Кыргызстанга эки күндүк расмий сапар менен келди.
Тышкы иштер министрлигинин маалыматына ылайык, сапардын негизги максаты — Шанхай кызматташтык уюмуна (ШКУ) мүчө мамлекеттердин тышкы иштер министрлеринин алдыдагы кеңешинин жыйынына даярдык көрүү.
Сапардын алкагында тараптар ШКУнун алкагындагы кызматташтыкты, жыйындын күн тартибиндеги маселелерди жана көп тараптуу өз ара аракеттенүүнү талкуулашат.
Эске салсак, ШКУга мүчө мамлекеттердин тышкы иштер министрлеринин кеңешинин жыйыны 24-июлда өтөт.
