Жарандык авиациянын кызматкерлери үчүн курулуп жаткан «Авиатор» турак жай комплексинин курулушу Кара-Жыгач айылында кызуу жүрүүдө.
«Кыргызстан аэропорттору» ААК билдиргендей, долбоор Мамлекеттик ипотекалык компания (МИК) аркылуу ишке ашырылып жаткан авиация тармагындагы эң ири социалдык долбоорлордун бири.
Долбоордун алкагында 1 035 батирди камтыган 23 тогуз кабаттуу турак жай курулат. Комплексте балдар аянтчалары, эс алуу жайлары, унаа токтотуучу жайлар жана башка социалдык инфраструктура да каралган.
Компаниянын маалыматына ылайык, долбоор жарандык авиация кызматкерлерин турак жай менен камсыздоону жакшыртууга жана тармактагы адистерди колдоого багытталган.
