Президент Садыр Жапаров Борбордук Азия мамлекеттеринин жана Азербайжандын мамлекет башчыларынын консультативдик жолугушуусунун алкагында мамлекет башчыларын тосуп алуу аземине катышты.
Түркмөнбашы шаарында бүгүн, 8-октябрда Борбордук Азия мамлекеттеринин жана Азербайжандын мамлекет башчыларынын Консультативдик жолугушуусунун алкагында Садыр Жапаровду Түркмөнстандын президенти Сердар Бердымухамедовдун тосуп алуу аземи болуп өттү.
Саммитке ошондой эле Казакстандын президенти Касым-Жомарт Токаев, Тажикстандын президенти Эмомали Рахмон, Өзбекстандын президенти Шавкат Мирзиёев жана Азербайжандын президенти Ильхам Алиев катышууда.
Тосуп алуу аземи жана биргелешкен сүрөткө түшүү аяктагандан кийин мамлекет башчылары жыйындар залына өтүштү.
