Борбордук шайлоо комиссиясы президенттикке талапкерлерди мөөнөтүнөн мурда үгүттөгөн төрт жаранга эскертүү берди. Бул тууралуу аталган мекеменин басма сөз кызматы маалымдады.
Маалыматына ылайык, алар социалдык тармактарда айрым талапкерлерди колдоого же аларга каршы добуш берүүгө чакырган билдирүүлөрдү жарыялашкан. Ошондой эле шайлоочулардын тандоосуна таасир этүүгө багытталган сурамжылоолорду уюштуруу фактылары каралган.
Ушуга байланыштуу Залкарбек Кудайбердиев, Бахтияр Кыдыралиев, Малик Исмаилбек уулу жана Жыргалбек Ибраимовго эскертүү берилди.
