Ысык-Көл облусунун Жети-Өгүз районунда тоо текелердин жана Марко Поло койлорунун чоң үйүрү видеого тартылды.
Экология министрлигинин маалыматына ылайык, акыркы мезгилде жапайы жаныбарларды коргоо жана алардын жашоо чөйрөсүн сактоо аракеттеринин натыйжасында бул аймакта аталган жаныбарлардын саны табигый түрдө көбөйүп жатканы байкалууда.
Министрлик коруктарда жана өзгөчө корголуучу аймактарда браконьерликке каршы күрөшүү, жаныбарлардын жашоо шартын жакшыртуу жана алардын көбөйүшүнө өбөлгө түзүү иштерин улантууда.
