Социалдык фонд быйыл бир катар райондук башкармалыктар үчүн жаңы имараттарды сатып алып, айрымдарын жаңылады.
Бул тууралуу фонддун төрагасы Бактияр Алиев билдирди.
Анын айтымында, Октябрь жана Ленин райондук башкармалыктарына жаңы имараттар алынган. Чоң-Алай районунда жаңы эки кабаттуу имарат курулуп, Алай районунда капиталдык оңдоо жүргүзүлгөн. Манас районунда да жаңы имарат салынган.
Мындан тышкары, Биринчи май жана Сокулук райондорунда жаңы имараттардын курулушу башталып, аларды 2027-жылдын жай айынын аягында же күзүндө пайдаланууга берүү пландалууда.
