Тажикстандын агрессиясынан кыйраган үйлөрдүн орду курулушка даяр. Башкача айтканда, президенттин Максат жана Арка айылдарында жабыркаган турак жайларды иретке келтирүү тапшырмасы толук аткарылып бүттү. Бул тууралуу ӨКМнин басма сөз кызматы билдирди.
Маалыматка ылайык, тазалоого тартылган куткаруучулар өздөрүнүн кызмат ордуларына жөнөтүлгөн. Аталган иш чарага 305 куткаруучу, 35 техника тартылган.
«Жалпы 136 турак жай тазаланып даярдалды, 32 көчмө үй, 61 чатыр тигилди, 1919,61 тонна гуманитардык жардамды кабыл алып жабыр тарткан элге жеткирүү иш чаралары уюштурулду», — деп берилет маалыматта.
