4-июнь, түшкү саат 14:00гө карата Чоң-Алай районунун Унжу-Булак жергесинде кырдаал салыштырмалуу туруктуу. Бул тууралуу УКМКнын Чек ара кызматынын коомчулук менен байланыш кызматы кабарлады.
«Ош облусунун Чоң-Алай районунун Унжу-Булак жергесинде кырдаал саат 14.00го карата кыргыз-тажик мамлекеттик чек ара тилкесинде салыштырмалуу туруктуу.
Тиешелүү кызмат ордундагы адамдар учурда ал аймакка барышып, жагдайды турукташтыруу боюнча бардык чараларды көрүшүүдө.
Кыргыз-тажик мамлекеттик чек ара тилкесинде жайгашкан УКМК Чек ара кызматынын тарамдары күчөтүлгөн тартипте кызмат өтөшүүдө«,- деп жазылат маалыматта.
