Кечээ, Бишкектин Түштүк магистралында адам өмүрүн алган жол кырсыгы катталып, айдоочунун башы жулунуп кеткендигин көрсөткөн тасмасы интернетте таркаган. Милициянын кайгуул кызматы, маркумдун өздүгү аныкталгандыгын билдирди.
Кырсык, кечээ 20-август кечки саат 17:30 чамасында катталган. «Порше 911» үлгүсүндөгү унаа катуу ылдамдыкта бара жатып, Түштүк магистралдан айдоочу рулду башкара албай калып, каршы тилкедеги тосмону сүзүп, оодарылып кеткен. Айдоочусу 1990-жылы туулган С.А. окуя катталган жерде жан берген. Кырсыктын күбөлөрү маркумдун башы жанчылык, сөөктөрү чачылып кеткенин тасмага тартып алышкан.
