Борбор калаанын мэриясында кышка даярдык көрүү боюнча ыкчам штабдын кезектеги жыйыны болуп өттү. Жолугушуу Бишкек шаарынын турак жай-коммуналдык чарба боюнча биринчи вице-мэри Жамалбек Ырсалиевдин көзөмөлүндө болуп, анда төрт райондун акимдери, шаардык структуралык бөлүмдөрдүн жана муниципалдык ишканалардын жетекчилери отчет беришке. Бул тууралуу мэриянын басма сөз кызматы билдирди.
Маалыматка ылайык, “Бишкек жылуулук энергия” коммуналдык ишканасы 56 откананы даярдаган. Дагы 10у 1 -октябрга чейин аяктайт.
Ал эми «Газпром Кыргызстан» ЖЧКсы шаардын 25 турак жай аймагына магистралдык газ түтүктөрүнүн курулушун аяктады. Быйыл Алтын-Ордо жана Рухий-Мурас турак жайына газ берүү пландалууда. Алтын-Ордо конушунда газ бөлүштүрүүчү түйүндөрдүн курулуш-монтаждоо иштери аяктаган, ал эми Рухий-Мурас конушунда иштер жүрүп жатат.
Жолугушуунун жыйынтыгында, Капиталдык курулуш дирекциясына окуу жылынын башталышына чейин билим берүү мекемелериндеги жылытуу системасын оңдоо иштерин бүткөрүү, ошондой эле жооптуу кызматтарга даярдыкты өз убагында бүтүрүү тапшырылды.
