Наманган облусунда Мажбурлап аткартуу бюросунун бөлүм башчысы пара алуу учурунда кармалды. Ал жергиликтүү тургундардын биринен 700 доллар пара талап кылып, 200 долларын алып жаткан учурунда колго түшкөн.

Маалыматка ылайык, шектүү Кыргызстандагы Жалал-Абад мамлекеттик университетинде окуган студенттин окуусун Анжиян мамлекеттик медициналык институтуна которууга жардам бермек болгон.

Бул факты боюнча тиешелүү беренелер боюнча кылмыш иштери ачылып, тергөө жүрүп жатканын «Өзбекстан 24» телеканалы өлкөнүн Улуттук коопсуздук кызматына шилтеме кылып кабарлады.

Мындан сырткары Өзбекстандын Жизак облусундагы райондордун биринин прокурору пара алып жаткан учурда кармалган.

Маалыматка караганда, прокурор жергиликтүү курулуш компаниясынын мыйзам бузган жетекчисинен 2 миң доллар талап кылып, анын 800 долларын алып жатканда колго түшкөн.

Ошондой эле Самарканд облусундагы райондордун биринин прокурорунун орун басары жергиликтүү дыйканчылык чарбанын үч жылга соттолгон өкүлүнүн жазасын кыйла катаалдатып, мурдагы өкүмдү күчүндө калтыруу үчүн андан 10 миң доллар талап кылган. УКМК бул иштине да бетин ачып, иш тергөөгө алынган.