Вакцина алган кош бойлуулардын арасында эч кандай терс таасир байкалган жок. Бул тууралуу Россиянын Саламаттык сактоо министрлигинин акушерлик жана гинекология боюнча адис Лейла Адамян билдирди.
Маалыматка ылайык, Россияда июндун этегинде кош бойлуу аялдарга карата Sputnik V вакцинасын колдонууга каршы көрсөтмөлөр алып салынган.
«Боюнда барлардын арасында бир дагы бейтаптын кыйналганы байкалган жок. Дүйнө жүзүндө 150 миңдей аял эмделип жаткан маалда кош бойлуу экенин билген эмес. Вакцинация репродуктивдик системага таасир этпейт, коронавирустун өзү кедергисин тийгизет», — деген Адамян.
Эскерте кетсек, эмделгендер аман-эсен көз жарган. Жалпысынан каза тапкан жана ооруканага жаткандардын арасында вакцина алгандар жок экенин кошумчалаган.
