Орусиянын Оренбург облусунун бир нече шаар, кыштагында жасалма алкоголго ууланып он киши өлдү. Бул тууралуу жергиликтүү басылмалар билдирди.
Маалыматка ылайык, 16 киши ооруканада оор абалда жатканы айтылат.
«Оренбург облусунун баардык тургундарын лицензиясы жок ичимдиктери сатып алууну жана ичүүнү токтотууга чакырам. Өмүрүңөрдөн ажырап калышыңар мүмкүн»,-деп жазылат Паслердин билдирүүсүндө.
Губернатор Денис Паслер жергиликтүү укук коргоо органдарына жасалма алкоголдун сатылышына тыюу салууга, ал эми тургундарды мындай ичимдиктерди ичпөөгө чакырды.
Эскерте кетсек, окуя боюнча кылмыш иши козголду. 2016-жылы Иркутск шаарында «Боярышник» деп аталган лосьонду ичип алган 76 киши каза болгон.
