Ысык-Көлдө шайлоого карата милиция кызматкерлери коомдук коопсуздукту көзөмөлдөшүүдө. Бул тууралуу Ысык-Көл ОИИБнын басма сөз кызматы билдирди.
Маалыматка ылайык, бардык шайлоо тилкелери мурдатан текшерилип, шайлоо аяктаганга чейин милициянын 24 сааттык кайтаруусуна алынган.
Шайлоо тилкелеринде милиция кызматкерлери менен бирдикте коомдук тартипти элдик кошундардын өкүлдөрү, автомектептердин курсанттары жана ички иштер органдарынын ардагерлери камсыз кылышууда.
Шаар жана райондук ички иштер бөлүмдөрүндө, тартылган күчтөрдүн жана каражаттардын ишмердүүлүгүн кардинациялоо боюнча штабтар түзүлгөн.
