Бишкекте мыйзамсыз каржы операциялары үчүн телефондорду колдонгон схема аныкталды. Бул тууралуу ИИМдин басма сөз кызматы билдирди.
ИИМдин маалыматына караганда, Бишкекте чет өлкөлүк 4 жаран мыйзамсыз онлайн кумар оюндары үчүн төлөм каналын уюштурган.
Алар сентябрдын аягында Кыргызстанга келип, массалык түрдө телефон сатып алышкан. Телефондорго чет өлкөлүк банктын тиркемеси орнотулуп, интернет-казинонун катышуучуларынан акча кабыл алынып, утуштар төлөнүп турган.
Москва көчөсүндөгү батирден 22 телефон жана 3 компьютер алынды. Шектүүлөр кармалды.
Алардын бири А.К. милицияга пара сунуштаган, бул боюнча өзүнчө иш козголду.



