Баткенде 60 жаштагы киши 3-кабаттан кулап кеткен. Бул тууралуу ӨКМден билдиришти.
Маалыматка караганда, окуя кечээ, 12-мартта Кызыл-Кыя шаарынын 1-кичи районунда болгон. Анда эркек киши 3-кабаттан кулап кеткен. Куткаруу иштерине 1 бөлүм тартылган.
Куткаруучулар барган учурда 1962-жылы туулган жаран мас абалында 3-кабаттагы балкондон 1-кабаттагы подъезддин чатырына түшүп кетип, оң буту сынганы аныкталган. Куткаруучулар жаракат алган жаранга алгачкы жардам көрсөтүп, аны Тез жардам кызматкерлерине өткөрүп беришкен. Учурда жабырлануучунун абалы туруктуу.
