«Биринчи каналдын» редактору Марина Овсянникова түз эфирде согушту токтотууга чакырган плакат менен кирип келгенден бери дайынсыз болуп жатат. Бул тууралуу анын жактоочулары билдиргенин «Медуза» басылмасы жазды.
Овсянникова 14-мартта кечинде “Время” программасынын эфиринде “Согушту токтоткула, пропагандага ишенбегиле, силерге калп айтып жатышат” деп жазылган плакатты көтөрүп чыккандан кийин полиция кармап кеткен.
Буга чейин Овсянникова Москванын «Останкино» райондук ички иштер бөлүмүнө жеткирилгени маалымдалган. «Укук коргоо» уюмунун адвокаты Анри Цискаришвили ал жакка барып, Марина Овсянникованы тапкан эмес. Полиция укук коргоочуларга анын бөлүмдө жок экенин айткан. 15-мартта адвокаттар редакторду шаардагы башка полиция бөлүмдөрүнөн да таба алышкан эмес.
Посмотреть эту публикацию в Instagram
