Орусиядагы Аксай шаарынын тургуну мейманканадагы бассейнден аялын башка эркектин жанынан көрүп, тапанча менен атып салган. Бул тууралуу РИА Новости жазып чыкты.
Маалыматка ылайык, күйөөсү 2022-жылдын 15-мартында Аксай шаарындагы «Оптимист» мейманканасындагы бассейнден 50 жаштагы жубайын 51 жаштагы башка эркек киши менен көрүп, тапанча менен экөөнү тең атып салган. Жабырлануучулар октон алган жараатынан улам ошол жерде көз жумган. Андан соң шектүү мейманканадан чыгып, өз жанын кыйган.
Учурда бул факты боюнча “Эки же андан ашык адамды өлтүрүү” беренеси боюнча кылмыш иши козголгон.
