Милициянын кайгуул кызматкерлери каракчылыкка шектүү жарандарды аныктады. Бул тууралуу аталган кызматтан билдиришти.
Маалыматка караганда, 18-мартта болжол менен саат 13:10 чамасында Бишкек ШИИБдин «102» кызматына «Чыңгыз Айтматов көчөсүндө бычак менен коркутуп саатымды алып кетти» деген маалымат түшкөн.
Айтылган дарекке ошол замат кайгуул кызматкерлери барып, маалыматты тактаганда 1971-жылы туулган жаран арыз менен кайрылган. Анда белгисиз жарандар арыз ээсин бычак менен коркутуп, көзүнө газ баллон чачып, каракчылык жолу менен «Чайка» үлгүсүндөгү 3 даана алтын саатын тартып алып, белгисиз тарапка качып кеткенин айткан.
Чакыруу менен барган кызматкерлер кылмышка шектүү катары 1990 жана 1989-жылы туулган жарандарды аныктап, Октябрь РИИБдин Тергөө кызматына жеткиришкен.
