Түркмөнстандын шайланган президенти Сердар Бердымухамедовдун инаугурациясы 19-мартта Ашхабадда өттү. Бул тууралуу TDH мамлекеттик маалымат агенттиги билдирди.
Жаңы мамлекет башчысы — Түркмөнстанды акыркы 15 жыл башкарган Гурбангулы Бердымухамедовдун уулу. «Түркмөнстандын президентинин инаугурациясына арналган салтанат бүгүн борбордогу «Рухыет» сарайында өттү»,- деп билдирет агенттик.
Түркмөнстанда президенттик шайлоо 12-мартта өткөн. Расмий маалыматтар боюнча шайлоого 3 миллион 362 миң 52 адам катышкан. Бердымухамедовго 72,97 пайыз шайлоочу добуш берген.
