Жерди көрктөндүрүү жана жерлерди пайдаланууну көзөмөлдөө боюнча муниципалдык инспекциясы борбор калаанын санитардык абалын жана тышкы көрүнүшүн жакшыртуу боюнча иштерди улантып, шаарды мыйзамсыз курулуштардан бошотууда. Бул тууралуу Бишкек шаарынын мэриясынын басма сөз кызматы билдирди.
«Бишкек шаарынын мэриясынын муниципалдык менчик башкармалыгынын ижара келишимдерин бузуу тууралуу катынын негизинде, инспекция “Тазалык” ишканасынын атайын бригадасы менен биргеликте Сүйүмбаев көчөсүндөгү (мурдагы Карпинка) тез тамактануучу жайларды бузуу иштерин баштады. Кээ бир менчик ээлери объекттерди өз ыктыяры менен алып жатышат»,-деп берилет маалыматта.
