Бишкекте милиция кызматкерлери тарабынан унаа айдап качууга шектелген кыз кармалды. Бул тууралуу Ленин РИИБден билдиришти.
17-мартта Ленин РИИБге шаардын тургуну кайрылып, 16-мартка караган түнү болжол менен саат 04:30 чамасында Чүй менен Фучика көчөлөрүнүн кесилишине кыз такси чакыртып, акчасын төлөбөстөн айдоочу дүкөнгө кирип кеткенинен пайдаланып, Mitsubishi Carisma унаасын айдап качып кеткенин билдирген.
Факт каттоого алынып, Жазык кодексинин 211-беренеси менен кылмыш иши козголгон. Жүргүзүлгөн иликтөө иш-чараларынын жүрүшүндө кылмышка шектелип 2003-жылы туулган кыз кармалган. Сот баш коргоо чарасын карап, аны СИЗО-1ге бир айга камакка алган. Бул кылмыш ишинин алкагында Ленин райондук ички иштер башкармалыгынын кызматкерлери кылмышка шектүү жарандын жол кырсыгына кабылган унааны табышкан. Тергөө уланууда.
