Бишкектеги 115 дүкөндө социалдык маанидеги товарлар кант жана май сатылууда. Бул тууралуу Бишкек шаарынын мэриясынын басма сөз кызматы билдирет.
Маалыматка ылайык, мамлекеттик материалдык резервдер фондунун каражаттарынан Бишкек шаарына социалдык маанидеги товарлар – 200 тонна кумшекер жана 80 тонна май бөлүнүп, 52620 литр май, 128,2 тонна кумшекер сатылды.
Белгилей кетсек, Ленин районунда 43, Биринчи май районунда 26, Свердлов районунда 27, Октябрь районунда 19 дүкөнүндө кумшекер 1 килограммы 70 сомдон, май 1 литри 130 сомдон сатылат.
