Бүгүн, Жогорку Кеңештин жыйынында депутаттар министрлер кабинетинин төрагасынын орун басары кызматына Бакыт Төрөбаевдин талапкерлигин бир добуштан колдоду.
Жыйындагы жалпы 68 депутаттын баары макулдугун берди.
Эскерте кетсек, көрсөтүлгөн талапкер буга чейин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитетинде каралган.
Ошондой эле талкуу маалында депутаттар бир катар социалдык-экономикалык көйгөйлөрдү көтөрүшүп, талапкерди аталган маселелерди чечүүгө көңүл бурууга чакырышты.
