Токмок шаарында уурулукка шектүү жаран кармалганын Чүй облустук милициясынын басма сөз кызматы билдирет.
Билдирүүгө ылайык, 28-март күнү Токмок ШИИБине арыз менен 1985-жылы туулган К.С. аттуу жаран кайрылып, ошол эле күнү белгисиз адам анын автоунаасынан уюлдук телефонун жана акча каражатын уурдап кеткендигин билдирген.
Жогорудагы факт Кылмыштардын бирдиктүү реестрине Кылмыш-кодексинин 205-беренеси (Уурдоо) боюнча катталган.
Жүргүзүлгөн ыкчам издөө иштеринин негизинде аталган кылмышка шектелип 2002-жылы туулган А.А. аттуу жаран кармалып, убактылуу кармоочу жайга камакка алынган.
Шектүүнүн дагы бир нече уурулукка тиешеси бар экендиги аныкталган.
Учурда териштирүү иштери улантылууда.
