Ыйык Рамазан айында орозо кармоону ниет кылган «Бишкекжашылчарба» муниципалдык ишканасынын кызматкерлерине азык-түлүк себеттери берилди. Бул тууралуу мэриянын басма сөз кызматы билдирди.
Маалыматка ылайык, багбандарга бардыгы болуп 200 азык-түлүк себеттери тапшырылды, анын ичинде эт, курма, чай, кант, май, күрүч, макарон жана ун бар.
Колдоо «Ихсан-Хайрия» кайрымдуулук фонду тарабынан борбордун муниципалитети менен биргеликте Бириккен Араб Эмираттарынын кайрымдуулук уюмдарынын колдоосу менен көрсөтүлдү.
