Футзал боюнча Азия кубогунун тандап алуу оюндарында Кыргызстандык футзалчылар Мальдив аралдарынын курамасын 7:1 эсебинде утту. Бул тууралуу Кыргыз футбол бирикмесинен кабарлашты.
Маалыматка ылайык, Бишкекте 1-апрелден баштап, 15-апрелге чейин Азия кубогунун Бириктирилген борбордук жана Түштүк зонадагы тандап алуу оюндары өтүдө. Иран, Кыргызстан, Түркмөнстан, Мальдив аралдары жана Өзбекстан, Тажикстан, Афганистан, Непал жалпы 8 өлкө катышууда.
Эскерте кетсек, 22-сентябрдан 20-октябрга чейин Кувейтте өтө турчу Азия кубогунун финалдык этабына тайпанын биринчи жана экинчи орундарын ээлеген командалар жолдомо алат.
