Өзбекстандын премьер-министри Абдулла Арипов Кыргызстандын Министрлер кабинетинин төрагасы Акылбек Жапаровго Орозо айт майрамына байланыштуу куттуктоо телеграммасын жөнөткөн. Бул тууралуу Министрлер кабинетинин басма сөз кызматы билдирди.
Куттуктоо катында кылымдар бою аздектелип келген Орозо айт майрамы мындан ары да элдерибиздин ортосундагы достук байланыштарды бекемдөөгө кызмат кылаары белгиленген.
«Биздин ырааттуу аракеттерибиз менен өлкөлөр ортосундагы өз ара пайдалуу жана келечектүү мамилелер мындан ары да кеңейтилет. Сизге – чың ден соолук, ишиңизге ийгилик, ал эми Кыргыз Республикасынын элине тынчтык, бейпилдик, үзгүлтүксүз өнүгүүнү жана бакубаттуулукту каалайм», — деп айтылат Өзбекстан Республикасынын Премьер-министринин куттуктоосунда.
