Түркиянын вице-президенти Фуат Октай Кыргызстандын Министрлер кабинетинин төрагасы Акылбек Жапаровду жана КРнын жалпы элин ыйык Рамазан айынын аякташы жана Орозо айт майрамы менен куттуктады. Бул тууралуу Министрлер кабинетинин басма сөз кызматы билдирди.
Министрлер кабинетинин төрагасы Акылбек Жапаровго жолдонгон куттуктоо катында бай тарыхы бар Орозо айт майрамы өзүнө жаратмандыкты жана улуу руханий мазмунду камтып тургандыгы айтылат.
Куттуктоодо ошондой эле бир тууган кыргыз элине тынчтык, жакшылык, бакубатчылык жана алдыга коюлган бардык пландардын ишке ашуусу тууралуу каалоо-тилектер айтылган.