Кеминде жөө өтмөктөн 76 жаштагы пенсионерди өлтүрө сүзүп кеткен айдоочу кармалды. Бул тууралуу Чүй облустук милициядан билдиришти.
Маалыматка ылайык, 4-сентябрда саат 11:00дөр чамасында “Мерседес Бенц” унаасынын 31 жаштагы Т.Ж. аттуу айдоочусу 76 жаштагы А.Т. аттуу адамды сүзүп кеткен.
Жүргүнчү окуя болгон учурда жөө өтмөктөн өтүп бара жатканы айтылат. Кырсыктын кесепетинен А.Т. аттуу жаран жеринде каза болгон.
Аталган факты боюнча Кылмыш-жаза кодексинин 312-беренесинин 3-пункту боюнча кылмыш иши козголгон.
Айдоочу кармалып, милициянын убактылуу кармоочу жайына киргизилди.
