Советжан Асанкадыр Муратаалы Күрөңкеев атындагы Кыргыз мамлекеттик музыкалык окуу жайынын директору болуп дайындалды.
Маданият, маалымат, спорт жана жаштар саясаты министрлигинин буйругуна ылайык, Асанкадыр Советжан ушул жылдын 7-сентябрынан тартып, Муратаалы Күрөңкеев атындагы Кыргыз мамлекеттик музыкалык окуу жайынын директору кызматына дайындалды. Жаңы дайындалган директорду эмгек жамаатка Азамат Жаманкулов тааныштырды.
«Мындан ары, Тентимиш Мураталиев аталган мектепте өсүп келе жаткан муундарга тарбия берүү жана кесипкөй адистерди тарбиялоого салым кошуу үчүн окуу жайда мугалимдик кесипти аркаламакчы»,- деп берилет билдирүүдө.
Эскерте кетсек, буга чейин аталган окуу жайдын директору болуп эл артисти Тентимиш Мураталиев эмгектенип келген.
