Баткен облусундагы чек арачыларга Юстиция министрлиги 1 миң комплект кышкы форма берет. Бул тууралуу ведомствонун басма сөз кызматы билдирет.
Маалыматка караганда, комплектке бекитилген технологиялык талаптарга жооп берген, талаада кийиле турган жылуу камуфляждык күрмѳ (бушлат) жана шым кирет.
«Бардык 1 миң комплект Баткен облусуна октябрь айынын ичинде өткөрүлүп берилмекчи. Өндүрүштү Юстиция министрлигине караштуу Жазаларды аткаруу кызматынын алдындагы «Келечек» мамлекеттик ишканасы даярдоодо», — деп берилет маалыматта.
