Ар бир кесип ардактуу демекчи бүгүн, 20- октябрь- Эл аралык ашпозчулардын кесиптик майрамы. Бул майрамды 70ден ашуун өлкө белгилеп келет.

Бул күн 2004- жылдан баштап ашпозчулар коомунун дүйнөлүк ассоцияцасынын демилгеси менен белгиленген. Дүйнө жүзү боюнча бул күнү профессионалдуу ашпозчулар, уюмдар чеберчилик конкурстарды өткөрүшүп, ар кандай эксклюзивдүү тамактарды жасап, дегустация кылышат. Ошондой эле ашпозчулар өзүнүн тажрыйбасы менен бөлүшүп, жасоо ыкмаларын көрсөтүп берет.

Белгилей кетсек, чыныгы ашпозчулук бул өзгөчө талант, себеби даамдуу тамак жасоо ар бир эле адамдын колунан келе бербейт.

Сыртынан караганда ашпозчу кесиби оңой көрүнөт , бирок чындыгында ашпозчунун кесиби эң оор кесиптердин бири болуп саналат. Ашпозчулар тууралуу кызыктуу фактыларды айтып беребиз.

1. Үйдө тамак жасаганды жактырышпайт
2. Алар тамакты сындап жешпейт
3. Кооптуу чөйрөдө иштешет
4. Тамактын жыты ашпозчуга сиңип калат
5. Аялдардан караганда, эркек ашпозчулардын колунан жасаган тамак даамдуу болот
6. Forbes журналынын тизмесиндеги учурдагы эң бай ашпозчу британиялык Гордон Рэмсей болуп эсептелет
7. Ашпозчулардын колдорунда көбүнчө шрамдар бар болот
8. 10 сааттан ашуун туруп иштешет
9. Ашпозчулардын дем алыш күндөрү аз болот.