Чүйдө Авиациялык коллеждин курсанттары машыгып жаткан учак кулап, жаракат алгандар бар.
АКИpress маалымат агенттиги жазгандай, окуя кечээ, 20-октябрда болуп, «Бристоль» үлгүсүндөгү эки орундуу учак кулаган. Кырсык Токмоктун жака белиндеги Кызыл-Аскер айылындагы айыл чарба авиациясынын аэродромунда авиациялык коллеждин курсанттары машыгып жаткан учурда болгон.
«Жаракат алган 22 жаштагы курсанттын абалы оор болгондуктан Бишкек шаарындагы ооруканага которулган. Ал эми 1995-жылы тулган инструктор Чүй райондук ооруканасынын хирургия бөлүмүндө дарыланп жатат»,-деп берилет маалыматта.
Өзгөчө кырдаалдар министрлиги жана окуу жай бул боюнча маалымат бере элек.
