Египетте өтүп жаткан Ibrahim Moustafa эл аралык мелдешинде Кыргызстандык эки балбан коло байгеге татыды. Бул тууралуу Бириккен күрөш дүйнөсүнүн (UWW) сайтында жарыяланды.
Сыймык Махмудов грек-рим күрөшү боюнча 63 кг салмакта катышып, коло үчүн кармашта казакстандык Мадияр Мальтекбаевди 9:0 эсебинде утуп алды. Ал эми 67 кг салмакта Раззак Бейшекеев индиялык Ашу аттуу балбанды 8:0 эсебинде артта калтырып, коло медаль тагынды.
Мелдеш 21-25-февраль күндөрү Александрия шаарында өтүүдө. Аталган турнирге Кыргызстандын эркин жана кыз-келиндер курамасы дагы катышып жатат.
