29-мартта Кара-Суу районунун Момбеков атындагы №101 орто мектебинин окуучулары атырдан ууланып, ооруканага түшкөн.
Сабакта 43 окуучу болгон. Стационардык дарылануудагы 18 баланын 13ү үйүнө чыгарылган.
Ал эми жабырлануучу тарап бул окуя боюнча төмөндөгүдөй маалыматтарды билдиришүүдө.
«Өзүңүздөр билгендей бир класстан 43 окуучу ууланды. Кара идиштеги атырды бир окуучуга берген экен. Ал класстын баарына чачыптыр. Азыр бизде ызы-чуу болуп жатат…Бирөө бир нерсе берсе албасын, жебесин жана жыттабасын балдарга эскертип коюңуздар»- дейт алар.
Учурда милиция кызматкерлери атырды экспертизага жиберишти.
