Курсан Асановдун жубайы инсульт алгандыгына байланыштуу тергөө иши убактылуу токтоду. Бул тууралуу УКМКнын басма сөз кызматы билдирди.
Маалыматка ылайык, УКМК Кульнара Усенканова бир нече чакырууларды жөнөткөн,ал эми 11-январда ал УКМКга барып сурак берип жаткан жеринен өзүн жаман сезип, дарыгерлер чакырылган. Алар К.Усонкановага «Юрфа» радиациялык диагностика борборунда текшерүүдөн өтүүнү сунушташкан. Натыйжада Кульнара дарыгерлердин коштоосунда «Юрфа» борбордук клиникалык ооруканасына жеткирилген.
«Юрфа» борбордук клиникалык ооруканасында К.Усенкановага стационардык дарылануу сунушталып, натыйжада ал Кыргыз Республикасынын Саламаттыкты сактоо министрлигинин Улуттук госпиталынын неврология бөлүмүнө жаткырылды.
