Кант шаарынын «Абдыш-Ата» футбол клубу Кабо-Верде улуттук курама командасынын дарбазачысы Тиагу Гомеш менен келишим түздү.
23 жаштагы футболчу дүйнө чемпионатында ийгиликтүү оюн көрсөткөн Кабо-Верде курамасынын тажрыйбалуу дарбазачысы Возинья менен алмашып ойноп келген оюнчу катары белгилүү.
Тиагу Гомеш буга чейин Бельгиянын, Испаниянын жана Португалиянын клубдарында ойногон. Учурда ал Кабо-Верде улуттук курама командасынын курамына чакырылып жүргөнү менен, расмий беттештерде дебют жасай элек.
Жаңы трансфер «Абдыш-Атанын» жаңы сезондогу курамын күчтөндүрүүгө багытталган кадамдардын бири катары бааланууда.
