Министрлер Кабинетинин Төрагасы Адылбек Касымалиев Ысык-Көлдө өткөн «Кыргызстан – Ысык-Көл 2026» UIM F1H2O дүйнө чемпионатынын этабынын салтанаттуу жабылышына катышты.
Ал чемпионат Кыргызстанды суу-мотор спорту боюнча дүйнөлүк борбор катары таанытып, өлкөнүн ири эл аралык иш-чараларды жогорку деңгээлде өткөрүүгө жөндөмдүү экенин көрсөткөнүн белгиледи.
Ошондой эле уюштуруучуларга, спортчуларга, ыктыярчыларга, күч түзүмдөрүнө жана медицина кызматкерлерине ыраазычылык билдирип, жеңүүчүлөрдү куттуктады. Анын айтымында, Кыргызстан мындан ары да дүйнөлүк деңгээлдеги спорттук мелдештерди өткөрүүнү жана спорт аркылуу туризм менен эл аралык кызматташтыкты өнүктүрүүнү улантат.
