Афганистандагы памирлик кыргыздарга гуманитардык жардам жеткирилди. Бул тууралуу УКМКнын басма сөз кызматы билдирди.
Маалыматка ылайык, Афганистандагы оор кырдаалга карабастан Кичи жана Чоң Памиринде жашаган этникалык кыргыздарга гуманитардык жардам көрсөтүлдү. Афган кыргыздарына жеткирилген негизги азыктын жалпы көлөмү 95 тоннаны түздү.
Ошондой эле этникалык кыргыздардын мындан ары коопсуз жашоосун, Афганистандын аймагы аркылуу эркин жүрүүсүн жана ал жактын жарандары катары аларга ар тараптуу колдоо боюнча жогорку деңгээлдеги макулдашуулар болду.
