Ош облусунун Кара-Суу районунда жол кырсыгы катталып, эки киши каза болгонун Жол коопсуздугун камсыздоо башкармалыгы билдирди.
Маалымдалгандай, 19-июнь күнү Кара-Суу районунун Лангар айылында түндүктөн түштүк багытты карай бараткан Форд Фокус үлгүсүндөгү унаанын айдоочусу рулду башкара албай каршы тилкеге чыгып, портер үлгүсүндөгү унааны сүзгөн. Анын кесепетинен портердин айдоочусу жана бир жаран көз жумганы кабарланат. Андан сырткары 4 жаран ооруканага ар кандай жаракаттар менен жаткырылганы айтылат.
