Өлкө башчынын тапшырмасына ылайык, Жол кыймылынын коопсуздугун камсыздоо башкы башкармалыгы тарабынан өлкөнүн баардык аймактарында айдоочуларга жол кыймылынын эрежелерин эскертүү, үйрөтүү иштери жүргүзүлүүдө.
Бул айдоочулардын жоопкерчилигин жогорулатууга багытталган тапшырманы аткарууда жол тескөөчүлөрүнө коомдук ишмерлер, ИИМдин ардагерлери, жогорку окуу жайларынын студенттери жана дин кызматкерлери көмөк көрсөтүшүүдө.
Эскерте кетсек 1-сентябрга чейин айдоочуларга жол кыймылынын эрежелерин үйрөтү, эскертүү гана иштери жүргүзүлөт.
Азыркы учурда ведомстволор аралык жумушчу топ 1-сентябрдан тартып эреже бузган айдоочуларды жеринен сурамжылоонун жол-жобосун иштеп чыгууда. Жакынкы күндөрү коомчулукка коомдук талкууга чыгарылат.
Урматтуу айдоочулар өзүңүздүн жана өзгөлөрдүн коопсуздугу үчүн жол эрежелерин так сактаңыздар!
