«Окуучулар арасында коронавирус жуктургандардын саны өсүүдө», — дейт Саламаттыкты сактоо министрлигинин Коомдук саламаттыкты сактоо башкармалыгынын башчысы Айнура Акматова. Ал бул тууралуу республикалык штабдын брифингинде билдирди.
Маалыматка ылайык, окуучулар арасында вирус жуктургандардын өсүүсү алардын мектепке баруусу менен байланыштуу эмес. Бардык катталган учурлар үй шартындагы абалга байланыштуу болгон.
«Быйыл сентябрь айында 7-17 жашка чейинки балдардын арасында 48 учур катталган. Октябрь айында 315 учур катталып, 6,5 эсеге көбөйдү. Ал эми 1-декабрга карата 320 учур катталды», -деп берилет маалыматта.