Токио жайкы олимпиадада күмүш медалга ээ болгон кыргызстандык балбан Айсулуу Тыныбекова Париждеги олимпиада оюндарына катышып, алтын медаль алып келүүнү убадалады. Бул тууралуу ал бүгүн, 23-августта Ала-Арча резиденциянда өтүп жаткан спортчуларды сыйлоо аземинде билдирди.
«Буйруса ден соолук берсе, 2024-жылы Парижде өтө турчу олимпиага катышам. Мага ишенгениңиздерге жана колдогонуңуздар үчүн терең ыраазычылык билдирем. Олимпиада оюндарында алтын медаль алуу үчүн болгон күчүмдү жумшайм. Рахмат», — дейт ал.
