“Ак-Кула ипподрому” объектиси боюнча Бишкек шаарынын Капиталдык курулуш башкармалыгы долбоордук-сметалык документтерди аткаруу үчүн тендер жарыялады.
Мамлекеттик сатып алуулар порталындагы маалыматта, пландалган сумма — 31 млн 85 миң 521 сом. Сынакка документтерди тапшыруу 14-октябрда аяктайт.
Жаңы ипподромду Сокулук районунун Военно-Антоновка айылынын аймагына куруу мерчемделүүдө.
Ат майдандын жалпы аянты 224,8 гектарды түзөт, көрүүчүлөр үчүн 30 миң орундук даярдалат. Ошондой эле 1200-1500 унаа токтой турган жай салынат.
Мындан тышкары, ипподромдун аймагына административдик имарат, 500 орундуу мейманкана, миң кишиге ылайыкталган ашкана жана медпункт курулат.
