Жалал-Абад облусунда РЭТ абоненттеринен системалуу түрдө акча талап кылуу фактысы аныкталды. Бул тууралуу УКМКдан билдиришти.
Аксы районунун РЭТ кассир-текшерүүчүсү 1997-жылы туулган Т.А.А. кызматтык абалынан кыянаттык менен пайдаланып, тургунду электр-эсептегичти алмаштырбагандыгы үчүн административдик жоопко тартуу менен коркутуп, мыйзамсыз пара катары сыйлык алуу фактысы аныкталган.
Бул боюнча ыкчам иштер жүргүзүлүп, РЭТ кассир-текшерүүчүсү 18 миң сом өлчөмүндө пара алып жаткан жеринен кармалды.
Учурда тергөө иштери уланууда.
