Бүгүн, 19-апрелде Аксы районунун Кашка-Суу айыл өкмөтүндө мектеп окуучулары жол кырсыгына кабылып, ооруканага түштү. Бул тууралуу «Турмуш» басылмасы жазып чыкты.
Маалыматка ылайык, түнкү саат 1:30 чамасында автокырсык катталып, 3 адам жабыркап, ооруканага жеткирилген. Алардын экөө мектеп окуучулары болуп чыкты.
Алар 15 жаштагы У. уулу Б. менен 16 жаштагы А.Н. болгон. Ал эми унааны Н.А. айдап бара жаткан. Айдоочунун абалы оор болгондуктан ага операция жасалды. 2 окуучунун абалы жакшы.
Аксы райондук билим берүү бөлүмүнөн окуучулар ооруканада экенин ырастап, учурда кырсык боюнча териштирүү болуп жатканын айтты.