Ала-Бука-Шекафтар-Пап унаа жолу бир тараптуу ачылды. Бул тууралуу ӨКМдин басма сөз кызматы билдирди.
Такталган маалыматка ылайык, Ала-Бука-Шекафтар-Пап унаа жолунун 23-чакырымында унаа өтүүчү көпүрөө кулап калган. Аталган унаа жолу Чаткал районунун Сумсар айыл өкмөтүндөгү Шекафтар айылында жайгашкан.
Жерине Чаткал райондук №80 ӨКБнүн башчысы менен биргеликте 3 куткаруучу, ИИМден 1 кызматкер, айыл аймактан Жарандык коргонуу комиссиясы, 1 жүктөгүч техника, №17 ЖТИден 5 кызматкер, 1 жүктөгүч, 1 Хово тартылган. Натыйжада урап түшкөн көпүрөдөн 100 метр алыс аралыкта темир түтүкчө орнотулуп, унаалар үчүн айланма жол салынды. Саат 22:00дөн тарта бир тараптуу жол каттамы ачылган.
Аталган аймакта бүгүн, 26-майга карата тартылган техникалык каражаттардын жардамы менен иш-чаралар улантылууда.
