Бүгүн борбор калаанын Ала-Тоо аянтында жылдагыдан да шаңдуу, жандуу уюштурулган “Ак калпак күнү” белгиленди.
Быйылкы жылдын өзгөчөлүгү майрамдын урматына улуттук кийимдердин парады болду.
Парадга Жогорку Кеңштин депутаттары, Ленин району, Биринчи Май району, Свердлов району жана Аламедин районун өкүлдөрү, Кыргыз Републикасынын Улуттук Гвардиясынын аскерлери, манасчылар, төкмө акындар, улуттук кийимди даназалаган театрдын чеберлерит, тарыхый инсандар, 40 чоро, «Кийиз дүйнө» коомдук фондусу, элечек кийген апалар, бийчи кыздар, кол өнөрчүлөр жана дизайнерлер, Баткен согушунун ардагерлери, Кыргызстан калкынын ассамблеясынын өкүлдөрү, ырчы-аткаруучулар, аспапчылар, салбуурунчулар, көк- бөрүчүлөр катышышты.